|
Ħamrun Table Football Club
Il-Ħamrun
Table Football Club ilu mwaqqaf mill-1985 u llum għandu ‘l
fuq minn 40 membru attiv ta’ etajiet differenti. Il-għan tal-club
huwa li jippromwovi l-logħba tat-table football (magħrufa
wkoll bħala ‘subbuteo’) billi jorganizza kompetizzjonijiet
interni bejn il-membri kif ukoll billi jipparteċipa
f’kompetizzjonijiet lokali u internazzjonali kemm fuq bażi
individwali kif ukoll fuq bażi ta’ timijiet.
Ma’ tul l-istaġun jiġu organizzati diversi kompetizzjonijiet
fosthom il-kampjonat, kompost minn tliet diviżjonijiet, it-tazza
tal-Milied, it-tazza tal-Għid u l-Ħamrun Trophy. Il-club
għandu wkoll sezzjoni ddedikata sabiex trawwem u tħarreġ
membri żgħażagħ taħt il-gwida ta’ ‘players’ b’esperjenza
twila fil-logħba. Din is-sezzjoni ma’ tul is-snin
ipproduċiet diversi Champions nazzjonali fil-kategoriji ta’
taħt it-12, il-15 u d-19-il sena. Il-club għandu wkoll l-unur
li ċ-Champion mondjali preżenti ta’ ta]t it-12-il sena,
Matthew Pace, huwa prodott tal-club. Il-logħob jintlagħab
kull nhar ta’ Sibt ġewwa l-padiljun tal-basketball f’Ta’
Qali.
Din is-sena il-Ħamrun Table Football Club rebħu l-kampjonat
nazzjonali tat-timijiet kemm fil-kategorija tal-kbar kif
ukoll dik ta’ taħt id-19-il sena. Dan irnexxielhom jagħmluh
wara li għelbu lil Valletta Subbuteo Club bl-iskor ta’ 2-0
fil-logħba deċiżiva, biex b’hekk rebħu l-kampjonat
nazzjonali għad-disa’ darba fl-istorja tal-club.
Bir-rebħ ta’ dan il-kampjonat, il-club ikkwalifika
għall-Europa Cup tat-timijiet li saret ġewwa Ateni
fil-Grecja f’Ottubru ta’ din is-sena. Din il-kompetizzjoni
hija ekwivalenti għaċ-Champions League tat-table football u
din kienet l-ewwel darba li tim Malti ipparteċipa f’din
il-kompetizzjoni li fiha pparteċipaw 24 tim minn madwar l-Ewropa
u l-club tal-Ħamrun spiċċa fit-18-il post li huwa riżultat
inkoraġġanti meta tqis li l-club kien fl-iktar grupp iebes
tal-kompetizzjoni u xorta ġab rebħiet tajbin kontra timijiet
stabbiliti bħal ma huma Olympia tal-Greċja, Cardiff ta’
Wales, Yorkshire tal-Ingilterra u FTC Issy ta’ Franza.
Websajt:
http://sites.keyworld.net/hamruntfc/DefaultNew.aspx
|
