|
|
Minn
Christian Sammut
L-Ambjent
L-ambjent, l-ikbar sfida li għandu quddiemu l-bniedem. L-ambjent
ta’ madwarna li għal tant snin twal qatt ma tajna każ
il-ħsara li qegħdin nagħmlu kif ukoll kemm għad irridu
npattu l-ħsara li għamilna matul is- snin. Fil-lokal tagħna
l-ambjent huwa l-ikbar sfida li għadna quddiemna għall-futur.
Sfidi li kif tkun ħa taqbad tiprova tara x’tista tagħmel
faċilment li tispiċċa taqbad taqta’ qalbek u tieqaf qabel
biss tkun bdejt.
Problema li jekk mhux kulħadd ħa jagħti s-sehem tiegħu se
tkompli tikber u aktar tkun problema biex din xi darba tmur
għall-aħjar. L-Ħamrun kiber f’daqqa u bla pjan, kiber b’mod
li ma tħallewx spazji miftuħa u nqered kull ambjent li xi
darba kellu. Sfortunatament anke l-arja mhix waħda tajba
bil-bosta ċmieni u traffiku li ħamġu l-arja u l-bini tagħna
matul dawn is-snin.
Ilum ninsabu f’sitwazzjoni li minħabba l-istat ħażin
tal-ambjent li għandna l-popolazzjoni tagħna qiegħda dejjem
tikber fl-eta’ u tonqos fl-ammont. Il-Ħamrun m’għadux jiġbed
nies bħal passat biex jiġu nies ġodda joqgħodu fih kif ukoll
min jiżżewweġ jibqa’ joqgħod hawn. Sitwazzjoni li jekk mhux
ħa nindirrizaw b’serjeta u naraw x’ inhuma l-fatturi se
jkollna iktar problemi fejn se jkomplu jiżdiedu d-djar vojta
fil-Ħamrun u bla dubju d-dehra tad-djar tagħna tkompli
tikrieħ u aktar nies jagħżlu li jmorru joqgħodu f’postijiet
oħra.
Tgħiduli aħna x’nistgħu nagħmlu? Fil-verita ma hemmx xi eluf
ta’ soluzzjonijiet, iżda xi ftit għajnuna u bidla nistgħu
nagħmluha flimkien. Nistgħu naraw kif postijiet oħra
irnexxilhom jagħmlu qabża u nimxu fuq il-passi tagħhom.
Bħalissa l-kunsill għaddej bi proġett importanti li jista’
jgħin bis-sħiħ il-lokal tagħna biex verament nagħmluh ferm
aħjar milli hu llum il-ġurnata. B’dan il-proġett se nkunu
qed niddentifikaw l-problemi li għadna u s- soluzzjonijiet
li jistgħu jsiru biex jitjiebu l-affarijiet.
Il-Kunsill Lokali Ħamrun fiż-żmien li ġej ħa jaħdem fuq żewġ
inizjattivi. Inizzjativa minnhom se tkun billi se jagħmel
diversi qsari f’ċertu postijiet fuq il-bankini fil-Ħamrun
biex tisbieħ id-derha tat-toroq tagħna, kif ukoll ħa jagħmel
ħiltu biex ir-roundabouts, il-ġonna u l-pjazzez tagħna jkunu
msebħin bl-aħjar mod possibli.
L-inizjattiva l-oħra se tkun billi applikajna għall-fondi
biex inkunu nistgħu nagħmlu diversi inizjattivi biex
il-lokalita tagħna tkun waħda aktar nadifa mil-llum.
Fil-fatt ser issir kampanja edukattiva billi se jitqassam
flyer f’kull dar fil-Ħamrun b’informazzjoni dwar fejn huma
l-bring in sites fil-Ħamrun, ħinijiet tal-ġbir tal-iskart,
informazzjoni dwar il-bulky refuse, kif għandu jiġi separat
l-iskart u affarijiet oħra. Se jitwaħħlu wkoll diversi bins
f’postijiet li jintrema ammont ta’ skart ma’ l-art biex
b’hekk inkunu nistgħu nżommu aktar ndafa fit-toroq tagħna.
Il-Kunsill flimkien ma l-għaqdiet tal-Ħamrun se naħdmu fuq
inizzjattiva sabiex inqajmu kuxjenza ġol-lokal tagħna dwar
l-importanza ta’ l-indafa anke tal-vetturi tagħna. B’hekk
ser norganizzaw attivitajiet ta’ Car Wash Days biex waqt li
nqajmmu kuxjenza l-għaqdiet Ħamrunizi jilqgħu donazzjonijiet
mingħand in-nies biex umbgħad bihom ikunu huma wkoll jistgħu
jagħmlu inizjattivi fl-għaqda tagħhom favur l-indafa u
fil-lokal tagħna.
Il-Ħamrun huwa tagħna, huwa l-post fejn trabbejna u fejn
ngħixu. Huwa mportanti li naħdmu u nibżgħu għal-affarijiet
li jsiru biex l-ħajja tagħna tkun tista’ titjieb u ngħixu
f’ambjent aħjar.
Christian Sammut
chrissam@global.net.mt
79592946 |
|
|
